Við segjum bara eins og Bing Crosby söng hérna um árið  (how you hate to say goodbye to laxá) já við vorum að koma úr Laxá í Aðaldal eftir tveggja daga veiði í frábærum félagsskap og fínni veiði. Við mættum auðvita með mikilli tilhlökkun og með hjartað í buxunum bara að vita til þess að við værum að fara að kasta flugu í eina frægustu á í heimi. Eins og menn sem hafa veitt í laxá vita þá er oftast engin mokveiði en við stóðum okkur ágætlega meða fyrstu tilraun og hjálp frá hinum unga og efnilega guide Ármanni eldhressa. 7 laxar komu á land og voru þeir feitir, sterkir og flottir og sá stærsti 14 pund sirka. Við settum í einn risa lax og var það ótrúleg sjón að sjá en hann slapp í þetta skipti og við munum klárlega koma aftur í Laxá! You will dream about fishing in the Laxá, lovely Iceland Land of Salmon ;) 

Góðan daginn, við nokkrir úr Óðflugu vorum að koma heim úr frábærri ferð í Miðfjarðará. Þegar við mættum á svæðið var áin eitt stórfljót og aðeins 4 laxar komnir á land. Allt fór þetta rólega af stað en svo bar til tíðinda þegar Svanþór og Viggi náðu að komast á bragðið og lönduðum sitt hvorum laxinum á Kolskegg hvað annað :). Næstu 3 vaktir á eftir fór að sjatna í ánni og þá átti allt eftir að verða vitlaust og menn settu í laxa út um alla á og lönduðum 14 löxum og misstum allt of marga. Laxarnir voru flestir í kringum 70 cm og svo voru 75,76,77 cm laxar og svo auðvita misstum við þessa risa stóru :) 11 af þessum löxum tóku baneitruðu fluguna Kolskegg!! Frábær ferð í alla staði og það er klárt að Miðfjarðará er á sem verður alltaf í uppáhaldi hjá Óðflugu mönnum ;) þarna gerast ævintýrin.Myndir eru að koma inn.

Þetta er nú ekki langt frá Miðfjarðaránni.....

8 dagar kútarnir mínir!


Fengið að láni frá Mbl.is

"Opnun Selár í Vopnafirði á laugardag mun fara í sögubækurnar sökum metveiði. Alls veiddust tuttugu laxar á aðeins fjórar stangir sem bætir met síðustu tveggja ára sem menn töldu að væri erfitt.

Leigutaki Selár, Orri Vigfússon, formaður Strengs, segir að þeir sem voru svo lánsamir að eiga opnunardaginn muni seint gleyma þessum ævintýralega degi. Ekki aðeins var tuttugu löxum landað heldur settu menn í annað eins af laxi og misstu. "Það er mikið vatn í Selá og erfitt að eiga við stóran lax. Því má segja eðlilegt að margir sluppu."

Laxarnir voru að mestu leyti tveggja ára fiskar frá tíu til fjórtán pund. Það vakti þó athyli að tveir eins árs laxar veiddust sem voru afar vel haldnir úr sjó, eða um sex pundin.
Orri segir mikið af laxi vera gengið enda þó að áin sé aðeins fimm gráðu heit.

Metveiði var við opnun Selár í fyrra, sem er til marks um mikinn árangur í uppbyggingarstarfi í ánni. Þá var veðrið og skilyrði til veiðiskapar betri en nú, en Orri vill ekkert segja um það hvort góð opnun hafi forspárgildi um metveiði í sumar."

Góða kvöldið, í dag 26.júní 2011 átti Guðmundur okkar maður (Bóbó, Bósinn) hálfan dag í Elliðaánum og setti meistarinn í 2 laxa og landaði þeim með góðri hjálp veiðifélaga. Þess má geta að 10 laxar voru komnir upp fyrir teljaran og verður að teljast frábær árangur að ná 2 löxum fyrir ofan. Hér koma myndir af Bósanum í dag úr Elliðaánum. Til lukku Bóbó.

Fyrsti lax sumarsins veiddist í Laxá í Aðaldal í gær af urriðaveiðimanni. Vika er síðan að sást til laxaferða við Núpa, þannig að lax virðist aftur snemma á ferðinni nyrðra

Á vefnum Vötnogveiði.is kemur fram að Jón Eyfjörð hafi í gær landað 92 cm nýgenginni hrygnu á Breiðeyri fyrir löndum Laxárfélagsins, en þar er stunduð urriðaveiði fyrir laxveiðitímann. Tók viðureignin 35 mínútur.

Í fyrrasumar mætti lax snemma í Aðaldalinn, og sem dæmi þá gaf vikan 7-14. júlí á sjötta tug laxa á Nesveiðum og var meðalþungi þeirra 17.2 pund!.
Þá voru göngur stórlaxa snemma á ferðinni og júlíveiðin sú besta í tvo áratugi.

Rétt er að geta þess að ein stöng er í endursölu dagana 7-10. júlí á Nesveiðum, og er hún aðgengileg í vefsölunni.

Frétt tekin af vef SVFR
Mynd: Klaus Frimor fékk þennan í Vitaðsgjafa í júní í fyrra.

Það er júní byrjun og sólin fer hækkandi með hverjum deginum og laxinn farinn að renna sér í árnar með allri sinni fegurð og laxveiðitímabilið er að skella á ladies & gentlemen. Norðurá og Blanda opna á sunnudaginn 5 júní og verður það stjórn SVFR sem opnar Norðurána og Tóti Tönn opnar Blönduna ástam fylgdarliði. Við munum að sjálfsögðu fylgjast með gangi mála og vonandi koma með myndir frá opnununum. Hlífum stórlaxinum herra menn! góða skemmtun!! 

Vötn og veiði sögðu frá því í gær að risalax hefði sést á þeim stórhættulega stórlaxastað Núpafossabrún og var stærðin á sporðinum í líkingu við risa skóflublað. Þetta eru að sjálfsögðu gleðitíðindi enda aðeins 3.júní og aðeins 1 og hálfur mánuður í að nokkrir Óðflugumenn verði á svæðinu. 

Slúðurpakkinn mættur

-Heyrst hefur að Kalli Lú sé taka upp nýja mynd en hún á að heita Leitað af vinum
og fara tökur fram í Central Park í NY.
-Heyrst hefur að Róbert sé að slá út flugusafnið hjá Kröflu.is en Trésmiðaverkstæðið Tré-X
sá um að fjöldaframleiða flugubox fyrir hann til að koma þeim fyrir.
-Heyrst hefur Einar í Rangá hefur sleppt öllum 2010 seiðastofninum í Eystri í fyrra og
hægt sé að ganga yfir Eystri núna án þess að blotna!
-Heyrst hefur að eldgos sé fyrir austan núna!!!
-Heyrst hefur að Þingvallavatn sé vaknað úr værum draumi og allt sé kraumandi - Fín upphitun þar.
-Heyrst hefur að menn ætli að slá út 20 punda markið í sumar og menn séu að sauma saman
laxapokana til að þeir komist ofan í.

 

Góða kvöldið, ég gluggaði í flóðatöfluna í söluskrá SVFR í kvöld og sá að það er stórstreymi 3.júlí! það lítur mjög vel út þar sem Miðfjarðará ferðin verður 5-8 júlí. Það er svo stórstreymi 16.júlí og það er súper líka þar sem við eigum svæði 1 í Aðaldalnum um morgunin (Æðarfossana). Þetta hefur kannski ekki úrslita áhrif en ætti kannski að bjóða okkur smá auka líkur á einum fimm pundara eða svo, eða jafnvel einum úr 100+ klúbbnum.